CEIP Ana María Diéguez

O NOSO PROXECTO: O MAR

2012-01-27T09:58:00.002+01:00

Igual que o curso pasado aprendemos moitísimas cousas sobre o mundo das abellas... neste curso, e dende este segundo trimestre, estamos traballando e investigando sobre un centro de interés: O MAR. Moito nos queda por diante...fauna e flora mariñas, as correntes, os oficios do mar, e moitísimos máis contidos que podemos seguir ampliando fóra da escola a través de saídas e vivencias.

Estes días na nosa escola temos connosco a expertos no tema do mundo submariño, e estamos aprendendo moitísimas cousas a través de charlas, videos, imaxes e experiencias prácticas. Podedes coñecer o seu proxecto, Rianxo divulga que "pretende dar a coñecer as labores diarias da xente do mar e os recursos que o medio mariño nos ofrece co fin de ensinar a valorar o que temos e así poder contribuir á súa preservación"Vimos especies xa coñecidas, outras novas e moi raras, areas de diferentes lugares, cunchas, caracolas... fixemos barquiños de casca de noz, diseccionamos peixes... EDUCACIÓN INFANTIL PRIMEIRO CICLO SEGUNDO CICLO TERCEIRO CICLO

Actuacións do Nadal

2012-01-12T10:59:00.000+01:00

Comezou o recibimento aos Reis cos máis pequeniños que lle cantaron "Busacndo Papá Noel"Seguidamente, os alumnos de 5º cantaron marabillosamente en inglés "Santa Claus is Coming to Town"Este ano, os reis viñeron montados en bicicleta. 1º ciclo O nenos de 2º ciclo, deixaron todo moi limpiño coa súa "cantiga do apalpador"E en terceiro moitaron unha orquestra para interpretar unhas panxoliñas tradicionais.

As Plantacións

2012-01-11T11:31:00.002+01:00

Despois de varios intentos frustrados polas condicións do tempo, por fin puidemos realizar as nosas plantacións. Mentras os máis maiores se desplazaron ata a área recreativa do Pino Manso, os máis pequenos quedamos na escola, pois non había pouco que facer. Educación Infantil, 1º ciclo e 3º curso, plantamos algunhas especies (camelios, acivro, oliveira...)e por suposto, as hortensias que recibimos das vosas casa. Esperamos que este ano prendan!Ao mesmo tempo, na área recreativa do Pino Manso os nenos e nenas de 4º, 5º e 6º, limpaban e terreo e plantaban camelios, oliveiras, laranxeiras, limoeiros, castiñeiros... Despois dunha xornada de duro traballo, volveron cara a escola dando un paseo, pero no medio do camiño, na Santa Lucía, fixeron un descansiño para xogar.

O Nadal da nosa escola

2012-01-10T12:41:00.000+01:00

E coa chegada do inverno e do frío, o ano 2011 remata. Agardamos un ano 2012 cheo de ilusión, traballo e novas experiencias para compartir na nosa escola. Durante as datas de Nadal, coñecemos as diferentes maneiras de celebrar esta festa. Como viñemos facendo outros anos, adornamos o centro cunha árbore confeccionada cos adornos que trouxestes das vosas casas. Este ano resultou unha fermosa e orixinal árbore de piñas e pompóns. Tamén atopamos distintas personaxes navideñas que se achegan ás nosas casas con agasallos. Papá Noel, Os Reis Magos, O Apalpador... Nós quixemos plasmalo a través dalgunhas actuacións en homenaxe ás Maxestades que outra vez pasaron un ratiño por aquí a recoller as nosas cartas e a repartirnos moita ilusión. Agradecemos o traballo feito pola ANPA, que sempre nos axuda a organizar esta festa.Agardamos poñer en breve as nosas actuacións. Mentras, deixamos unha lembranza do que foi o noso Nadal. Esperamos e desexamos para todos un PRÓSPERO ANO 2012!!!!!

Visita á Facultade de Ciencias da Información

2011-12-22T12:30:00.000+01:00

O programa campUSCulturae da USC celebrou o venres 9 de decembro na Facultade compostelá de Ciencias da Comunicación unha festa educativa destinada a escolares de toda Galicia de conmemoración do Día Internacional da Radio e da Televisión a favor da Infancia enmarcada na semana da Declaración Universal dos Dereitos Humanos. A celebración xirou en torno á difusión a través dos medios de comunicación -principalmente da radio e da TV- de traballos realizados co propósito de sensibilizar á sociedade coa intervención e desde a perspectiva da infancia como aposta de futuro para construír novas dinámicas e fomentar unha visión integradora e plural da vida e do mundo. Organizáronse obradoiros de teatro, televisión, radio, percusión, maxia... Durante a mañá participamos na gravación dun programa de televisión e nun obradoiro de teatro.Ademáis puidemos ver a performance de creación teatralizada ‘Living Room’ a cargo do actor Joshua McCarey que empregando novas tecnoloxías concienciou sobre a importancia das minorías. Na xornada da tarde, puidemos ver un precioso filme "La estrella alcanzar" a favor da diversidade coa axuda de inmigrantes que axudaron a comprender outras formas de vida grazas á recreación dos seus costumes. A actuación de un mago e os músicos do Val Miñor puxeron o final a unha fantástica xornada na que aprendemos moitísimas cousas.

Visita de Protección Civil e Bombeiros

2011-12-22T11:30:00.000+01:00

O pasado día 7 de Decembro tivemos unha grata visita no noso cole. Algúns membros de Protección Civil e Bombeiros viñeron a ensinarnos moitas cousas para mellorar a nosa seguridade. Entre outras, mostráronnos cómo debemos actuar en caso de incendio. Practicamos facendo simulacros e puidemos ver dende moi cerca os vehículos que empregan cada día no seu traballo. Sempre son unha visita moi agradable e divertida.

Video do Magosto

2011-12-05T16:59:00.001+01:00

E con un pouquiño de retraso...podedes ver un video do que foi o magosto deste ano. Esperamos que vos guste

Que ben o pasamos no Magosto!

2011-11-21T09:32:00.000+01:00

Venres, 18 de novembro. Hora: 12:00. Empeza a festa!

Un bo número de xogos agardaba por nós no patio: carreiras de sacos, as chapas, os trompos, a corda, o xogo das cadeiras, o lanzamento da castaña, o pano e a castaña por detrás. Como podedes ver nas fotos, pasámolo xenial; "démolo todo" na pista.
E despois de tanto esforzo, que mellor que unhas ricas castañiñas asadas. Por certo... que ricas estaban!

Polo San Martiño, trompos ao camiño

2011-11-13T21:31:00.001+01:00

Que gusto dá ver bailar eses trompos!!

Fotos do Samaín

2011-11-09T17:38:00.000+01:00

Queda aquí o reflexo en imaxes da nosa festaza do Samaín...

2011-11-02T09:44:00.001+01:00

Neste outono chegou á nosa escola o Samaín máis terrorífico!! Os preparativos da festa tivéronnos estes días moi ocupados. Durante toda a semana, tivemos na biblioteca a semana do medo, e nas aulas traballamos arreo para decorar o cole. Ademais, nas casas, coas nosas familias fixemos unhas fermosas cabazas que logo estiveron en exposición. Cada ano son máis orixinais!! Na aula de música preparamos un baile (Ghostbusters) e na aula de inglés traballamos a letra da canción.E por fin chegou o día...no que sempre hai algunha sorpresa. Este ano agardábanos unha sesión de cine de terror. Os máis pequeniños, viron a Tigger e Pooh resolvendo os misterios do bosque dos 100 acres. O primeiro ciclo viron a "Casper", a pantasma máis divertida de tódolos castelos encantados.

E os máis maiores disfrutaron con " Os mundos de Coraline", da que podedes visitar a súa preciosa e divertida páxina web. Non ían mal encamiñados aqueles que intuíron que os cucuruchos que decoramos na clase eran para gardar flocos de millo!! Despois da peli, para estirar as pernas saímos ao patio e logo nos recollemos para bailar e cantar un ratiño ao carón das cabazas. E como o tempo nos acompañou, puidemos xogar a atopar as cabazas agochadas, que este ano...estaban ben escondidas.Podedes ver unha montaxe que resume o que vivimos no noso cole o día de Samaín. Agora, a coller forzas para o magosto! Ide preparando as castañas!!

Observando o outono

2011-10-19T12:00:00.000+02:00

Aínda que este ano o outono non foi coma din os libros, os nenos de Educación Infantil quixeron observar as árbores e os froitos típicos desta estación. Para iso, pasearon polo patio e polos arredores buscando árbores froiteiras. Viron vides, unha nogueia, unha figueira, castiñeiro, maceira, laranxeira... Ademais, tamén trouxeron das súas casas froitos que estes días están probando...e...que ricos están!!!

Tarta de Chocolate

2011-10-19T11:21:00.000+02:00

Nas aulas de Educación INfantil aproveitamos o aniversario de Carlota máis de Martina para mostrarlles aos máis pequenos e recén chegados ao cole as tartas tan ricas que facemos para celebrar que xa somos un ano máis maiores. Seguro que moitos de vós tampouco sabedes que ás veces nos convertemos en cociñeiros. Como vedes, o traballo en equipo e ben organizado, sempre ten un bo resultado!! Por certo, estaban riquísimas!!!

Xogando ás bólas

2011-10-19T10:40:00.000+02:00

Aproveitando o bo tempo de este ano, os alumnos de 3º ciclo saíron ao patio para practicar algúns xogos incluídos na unidade didáctica de Xogos Populares e Tradicionais na área de Educación Física. O xogo das canicas, ou das bólas, resultoulles moi interesante e divertido.

COMEZAMOS CON MÚSICA

2011-09-22T09:45:00.000+02:00

Este curso 2011-2012, comezámolo dun xeito especial. O luns, día 19 de setembro, asistimos a un fantástico concerto da Banda da Escola de Música de Rianxo sobre "As música no cinema infantil" no Auditorio.

A Banda interpretou fragmentos das bandas sonoras de filmes como Aladdin, A bela e a besta, O príncipe de Exipto, Tarzán, Baixo o Mar, Sherk e o Rei León...
Nenos e mestres quedamos impresionados da calidade na interpretación e da sincronización entre a música e a imaxe. Foi un bo xeito de lembrar as nosas películas favoritas. Ademáis, sentímonos especialmente orgullosos porque un alumno da nosa escola e algún ex-alumno, formaban parte da agrupación.
Pododes lembrar algunhas das cancións que escoitamos se vedes estes videos:

Visita de Roi Casal e Silvia Ferre

2011-06-24T15:29:00.002+02:00

O último día de cole tivemos a sorte de poder ver "en vivo e en directo" a Roi Casal e Silvia Ferre. Que pasada!

Estiveron connosco un montón de tempo e tocaron e cantaron para nós varias cancións, entre elas, unha fermosísima canción titulada "Nana para Nuno".

Tamén nos asinaron autógrafos e ata sacaron fotos con nós e cos mestr@s. Foi xenial!

Pasámolo moi ben e dende aquí dámoslles as grazas por facernos pasar un día tan especial.

Aquí abaixo podedes ver algunhas das fotos que sacamos ese día. Esperamos que vos gusten.

Se queredes saber máis sobre o último traballo de Roi Casal titulado "Maxicamente vello" non tendes máis que premer abaixo e ides directamente á súa páxina web. Nela podedes obter información de todo o relacionado coa súa xira (datas, lugares...) e sobre moitos máis datos de interese.

PÁXINA WEB DE ROI CASAL

Visita ao IES Félix Muriel

2011-06-24T14:53:00.006+02:00

Os nenos e nenas do noso centro foron de visita ao IES Félix Muriel.

Foi unha mañá moi divertida! En setembro este será o noso novo centro.

A orientadora do IES Félix Muriel veu ao noso centro a contarnos un montón de cousas sobre a nosa nova etapa. Aquí tendes un breve resumo.

Transición á etapa de educación secundaria obrigatoria ( 1

Atención familias de sexto!

Aquí temos o tríptico con información académica básica sobre o paso dos nenos e nenas á ESO.

Folleto orientación ep

Remate do festival das Letras 2011

2011-06-17T21:15:00.006+02:00

                                  E para rematar o festival,
        todos os nenos e nenas de Primaria bailaron esta muiñeira.

Vídeos do festival das Letras 4

2011-06-17T19:56:00.007+02:00

                            Actuación dos nen@s de 4º e 5º
                                  Baile: " O mundo é grande"

                           Actuación dos nen@s de 6º
                               Baile: "On the floor"

Vídeos do festival das Letras 3

2011-06-14T20:06:00.007+02:00

                              Actuación dos nen@s de 4º
                       Obra: " O casamento da pulga e o piollo"

                           Actuación dos nen@s de 5º
                       Obra de teatro: "The shy fly´s house"

Vídeos festival Letras 2

2011-06-13T17:54:00.009+02:00

                                  Actuación dos nen@s de 5º
                          Recitado de poemas de Manuel María

                          Actuación dos nen@s de 1º e 2º
        Obra de teatro: "O galo Kirico que foi á voda do tio Perico"

Vídeos do festival das Letras 2011

2011-06-11T20:18:00.017+02:00

                       Actuación dos nen@s de 6º
                 Obra de teatro: "O misterio do exame"

                        Actuación dos nen@s de Infantil
                       Obra de teatro: "A ratiña presumida"

Fotos festival das Letras 2011 Parte 2

2011-06-11T10:07:00.000+02:00

Como prometimos, aquí está a segunda parte das fotos do festival.

PARTE 2

Festival das Letras Galegas 2011

2011-06-09T11:11:00.001+02:00

Xa... xa sabemos que non podedes esperar máis para ver as fotos do festival, así que aí van.

De momento só podemos ofrecervos unha parte delas, xa que fixemos un festival con tantas cousas que non caben todas xuntas.

PARTE 1

Continuará...

Visita ao Náutico de Ribeira

2011-05-30T10:22:00.001+02:00

Nestas fotos podedes ver a nosa visita ao Náutico de Ribeira. Nela aprendimos un montón de cousas, xa que asistimos a catro obradoiros diferentes.

Nun deles ensináronnos como eran as artes de pesca que utilizaban os nosos avós. Noutro obradoiro aprendemos moitas cousas sobre o mundo da vela. Nun terceiro, mergullámonos no océano grazas as explicacións do monitor; ensinounos os seus aparellos de buceo e ata puidemos probar algún deles. Por último, pero non menos importante, tivemos a oportunidade de ver as especies mariñas que hai na ría nun vídeo que nos ensinaron.
Foi unha visita moi interesante xa que nos deron a oportunidade de aprender moitas cousas relacionadas co mundo mariño.

Obradoiros do Concello

2011-05-19T11:37:00.000+02:00

O equipo de prevención do Concello de Rianxo ofreceunos no colexio uns obradoiros para todos os alumnos e alumnas.

En Infantil e no 1º ciclo o obradoiro era un contacontos sobre a nutrición e a hixiene. No 2º ciclo, o obradoiro falaba das habilidades sociais. E, por último, o obradoiro do 3º ciclo trataba o tema da presión de grupo.

Todos eles foron moi interesantes e aprendimos moitas cousas!

O horto escolar

2011-05-11T10:31:00.006+02:00

Un ano máis dedicamos un "ratiño" do noso tempo ao coidado do noso horto escolar.

Plantamos leitugas, sandías, chícharos, berenxenas ... e moitas cousas máis, xa que todos os nenos e nenas do cole, desde os máis pequenos ata os maiores, pasamos por alí e traballamos coma auténticos campións. Mirade as fotos, mirade e xa veredes como non esaxeramos nadiña.

Bueno... é verdade, ademais de traballar tamén o pasamos de marabilla pero...que mellor que disfrutar co que un está facendo, non si?

Banda de Música de Rianxo

2011-05-03T10:31:00.020+02:00

Grazas á Banda de Música de Rianxo tivemos a oportunidade de asistir a unha representación do conto O frautista de Hamelín moi especial. O conto ía acompañado dunhas pezas musicais que compuxeron os propios membros da banda. Foi todo un pracer poder mergullarnos no mundo dos contos ao son de tan fermosas melodías!

Charla sobre as abellas

2011-04-28T12:25:00.007+02:00

O avó de Breixo e máis de Elvira veu ao colexio para falar sobre o apaixonante mundo das abellas. Quen mellor ca alguén que traballa con elas para axudarnos a entender como funciona a vida nunha colmea! A verdade é que aprendimos moito con él e dámoslle as grazas por ser tan xeneroso co seu tempo e dedicárnolo a nós.

APÍPOLIS

2011-04-15T11:23:00.013+02:00

Estas son as fotos da saída a Apípolis, en Pontevedra.Como podedes ver, realizamos moitas actividades: elaboramos galletas, visitamos o apiario, fixemos candeas e aprendimos un montón de cousas nas salas das exposicións. E, ao rematar as tarefas, tivemos tempo para xogar ao baloncesto e a outros xogos. Foi todo unha aventura!

O escritor e ilustrador Jacobo Fernández Serrano

2011-04-04T09:00:00.016+02:00

   O pasado martes tivemos a gran sorte de ter con nós ao escritor e ilustrador Jacobo Fernández Serrano, autor de Mil cousas poden pasar, libro co que resultou gañador do premio Merlín 2009.
   A charla foi moi interesante porque, ademais de coñecer como foi o proceso de creación do libro, puidemos gozar dos seus debuxos.
   A verdade é que mereceu a pena asistir porque puidemos saber en primicia detalles da tan esperada segunda parte de Mil cousas poden pasar.
   Grazas Jacobo por esta charla tan entretida e ilustrativa!

Visita ao Salón do Libro

2011-04-01T14:03:00.014+02:00

Fai uns días, as nenas e os nenos de 4º visitamos o Salón do Libro en Pontevedra, que este ano estaba dedicado á mentira.

Alí puidemos ver as creacións dos alumnos e alumnas dos colexios participantes: desde libros ata auténticas obras de arte de sofisticada creación.

Velaquí as fotos que sacamos durante a excursión. Esperamos que vos gusten.

E por fin chegou o gran día...

2011-03-18T18:07:00.002+01:00

Aquí tendes as fotos do día do Entroido. Esperamos que vos gusten.

AS ORDES DO MECO

2011-03-14T09:24:00.012+01:00

Este ano o Meco volveunos tolos coas súas disparatadas ocorrencias. Non tendes máis que mirar as fotos para darvos conta da paciencia que hai que ter con el.

Ímos de cerimonia...

Ímos recén levantados...

Ímos accidentados...

VISITA AO CASTRO DE BAROÑA

2011-03-11T17:13:00.005+01:00

Despois de ter o tempo en contra durante uns días a causa da chuvia, por fin puidemos visitar o Castro de Baroña . A esta excursión fomos os nenos e nenas de Infantil e do 1º ciclo.
Primeiro, visitamos o Centro de Interpretación no que vimos diferentes obxectos relacionados co Castro de Baroña, entre eles , un tear. Logo, visitamos o castro e, por último, comimos nun parque cerca del.

Nas fotos podedes ver o atentos que estabamos a todo o que nos explicaron e o ben que o pasamos na excursión.

CAMPAÑA ESCOLAR DE EDUCACIÓN AMBIENTAL

2011-03-11T16:35:00.002+01:00

Fai uns días tivemos ocasión de asistir a unha charla sobre o medioambiente no propio colexio. A campaña de educación ambiental tiña por título "Evita o lume, a diversidade é vida". Nela tratábase o tema da prevención de incendios forestais. Grazas á charla aprendimos como evitar que se produzan os incendios, e a protexer a diversidade de plantas e árbores que temos ao noso arredor.
Nas fotos aparecen distintos momentos da charla.

125 aniversario de Castelao

2011-02-24T17:37:00.006+01:00

No cole sempre temos moi presente a figura de Castelao, pero este ano tivémola máis ca nunca xa que se cumpría o 125 aniversario do seu nacemento. Para celebrar este acontecemento tan sinalado fixemos diversas actividades.

Para decorar o colexio os nenos/as de Infantil, 1º, 2º e 3º fixeron un mural a base de boliñas de papel que representaba a faciana de Castelao. Pola súa parte, os nenos/nenas de 4º, 5º e 6º pintaron un mural onde se ve a Castelao de corpo enteiro.
Tamén tivemos unha lectura de contos de Castelao no salón de actos. Este acto estivo presidido polo director do colexio, que pronunciou unhas palabras enxalzando a figura do autor de Rianxo.
Podedes ver as fotos de todas estas actividades na presentación que vos achegamos.

Concerto didáctico no Auditorio de Galicia

2011-02-10T08:55:00.002+01:00

Escena da ópera Cincenta de Rossini

O pasado luns, 31 de xaneiro tivemos oportunidade de ver " A Cincenta" de Rossini no Auditorio de Galicia, que era unha ópera adaptada para o público infantil.

   Os actores estiveron estupendos e tiñan unha voces incribles. E coma sempre, Cincenta atopou o amor pero non sen antes ter que esquivar as malas artes das súas dúas medio irmás.Toda unha aventura na que non faltou nin o carruaxe. Iso si, no canto dunha malvada madrasta, aparecía, Don Magnífico, un padrasto moi malo, que lle facía a vida imposible á pobre Cincenta.
    Para non perder detalle, durante toda a actuación estivemos acompañados por unha simpática ratiña que nos ía contando a historia.

   Aquí debaixo podedes ver algunhas fotos de antes do concerto.

O Día da Paz

2011-02-01T12:38:00.017+01:00

O venres pasado celebramos o Día da Paz no colexio. Esta vez fixemos uns ladrillos para construír un muro. Eses ladrillos levaban escritas neles unha palabras moi "especiais" xa que o muro ía ser derrubado. Palabras coma violencia, guerra ou xenreira foron derrubadas con el;quixemos destruír todas aquelas cousas que nos impiden vivir en paz, que fan que as nosas vidas sexan menos felices.
Como podedes ver nas imaxes o muro quedou totalmente derruído e, despois de ver como caía, xuntamos todos e todas as nosas mans e cantamos a canción Abre a muralla.

Plantando hortensias

2011-01-31T09:18:00.018+01:00

O mércores pasado estivemos plantando hortensias. Como podedes ver nas fotos, todo o cole, desde Infantil ata sexto, participou na actividade e desfrutamos, ademais, dun agradable día de sol.

VÍDEOS DO NADAL

2011-01-24T15:47:00.014+01:00

Nenos e nenas de Infantil cantando O polo Pepe

Nenos e nenas de 1º e 2º interpretando a canción O lobo feroz

Nenos e nenas de 3º cantando Compañeiro sei tocare

Nenos e nenas de 4º e 6º cantando a canción Christmas Carol

Os nenos e nenas de 5º interpretando a canción Funga Alafia.

FOTOS DO NADAL

2011-01-24T09:00:00.006+01:00

Aquí tendes algunhas fotos do Nadal. Nelas podedes ver a bonita árbore que construímos entre todos os nenos e nenas do colexio. A que quedou chula?

Coma todos os anos non podía faltar a visita das SS.MM os Reis Magos de Oriente ao colexio de Asados porque... somos tan boíños que... por forza tiñan que pasar por aquí para recoller todas as nosas cartas, non si?Pero este ano foi dobre sorpresa porque ademais deles tamén tivemos polo cole ao apalpador, como podedes ver nas imaxes. Si, si, ese xigante que é carboeiro e que lle deixa castañas quentes aos nenos polo Nadal. O mesmo!

Ademais de todo isto tamén fixemos festa nas aulas e, como remate, interpretamos unhas cancións moi bonitas en galego e en inglés na aula de música . Pasámolo moi ben!

CONTACONTOS "Santi Prego"

2010-12-16T18:22:00.002+01:00

Grazas á organización da AMPA puiedemos disfrutar dun espectáculo de contacontos a cargo de Santi Prego.
Agora que se achegan as festas do nadal non hai nada coma botarse unhas risas.

CERTAME FOTOGRÁFICO - O OUTONO

2010-12-16T18:13:00.002+01:00

Agradecemos a participación de todos no primeiro certame fotográfico: "O outono"
Agardamos que a calidade da presentación non vos impida disfrutar de auténticas xoias da fotografía.

IMAXES DO OUTONO

2010-12-15T16:21:00.002+01:00

Xa temos expostas no cole todas as fotos que nos trouxestes. A exposición chámase Imaxes do outono e nela podían participar todos os membros da comunidade educativa: nenos e nenas, nais e pais, profes...Así que xa sabedes... cando queirades podedes pasar por aquí e desfrutar das bonitas fotos que sacastes entre todos.Ahh! e moitas grazas a todos e todas por participar.

O Magosto

2010-11-29T17:40:00.007+01:00

Por fin celebramos o Magosto!

Como xa sabedes , o tempo (atmosférico) non nos acompañou e tivemos que agardar uns días para poder celebrar o Magosto. Pero a espera mereceu a pena porque o pasamos...moiii ben.

Primeiro, mentres se remataban de asar as castañas, aproveitamos para desfrutar con un montón de xogos populares coma: a mariola, a peonza, os aros, os zancos, os sacos... E logo, para repoñer forzas, comimos as castañas que transportamos nas cestas que confeccionamos nas aulas. Quedaron moi chulas!

Foi un día moi divertido e para recordalo imos ver as fotos que sacamos.

O QUE FOI A FESTA DOS CALACÚS NA NOSA ESCOLA

2010-11-02T19:36:00.011+01:00

Deixamos atrás a festa do Samaín, unha celebración que intentamos recuperar na nosa escola. Profes, alumnos e familias traballamos a reo para que este ano fose todo un éxito a festa das cabazas.
Nas vosas casas decorastes as cabazas para a exposición. Nós, no centro, tamén o fixemos dentro das aulas. Aquí tedes unha mostra do resultado:

No que si melloramos moito este ano, foi na decoración do cole para este evento. Dividimos o traballo, facendo o primeiro ciclo e Educación Infantil cabazas e cadenetas de cabazas, segundo ciclo cadenetas de esqueletes, e os máis maiores unha arrepiante bruxa!! Ademáis a biblioteca estaba coma sempre moi ben ambientada para a semana do medo. Pantasmas, morcegos, casas encantadas, gatos negros, mouchos, árbores na escuridade... tomaron o cole estes días. Podedes velo nesta selección de imaxes
Pero tanta decoración e tanto traballo culmiraron o venres cunha grande festa na que non faltaron historias de medo. Os máis pequenos, na biblioteca, escoitaron un conto: "Os dous Corcovados". Os máis grandes, na aula de música puideron pasar un ratiño de medo coa escenificación dunha lenda galega "As luces da Capela de San Antonio", na que apareceu a Santa Compaña, á que agradecemos a súa aparición desinteresada!! Tamén había cousas que se movían, instrumentos que tocaban sós... Pero cando o conto rematou, todo voltou á calma, e saímos a celebrar o día do Samaín como máis nos gusta: CANTANDO E PAPANDO!!! Todos cantamos a canción que este ano, "Isto é Samaín", acompañados polos instrumentos dos nenos de 5º e 6º. Coma sempre, agradecemos a colaboración das familias na elaboración dos ricos doces elaborados con froitos de outono. MOITAS GRAZAS!!!!

2010-10-28T09:30:00.003+02:00

Onte tocoulles ao máis maiores do cole visitar as cabazas. Os nenos e nenas de 2º e 3º ciclo parecen estar moi atentos cando lles explican como é a planta da cabaza. Ollade as imaxes:

Visitamos unha leira de cabazas

2010-10-22T09:54:00.002+02:00

Os nenos e nas de Educación Infantil e 1º ciclo fixeron hoxe a súa primeira saída o curso. O paseo levounos ata o lugar da Marquesa para visitar unha leira de cabazas. Alí viron e explicáronlle como é a planta, a flor, a folla, e por suposto o froito: A cabaza!!

A canción do Samaín 2010

2010-10-20T09:48:00.006+02:00

ISTO É SAMAÍN
Aquí chega o samaín
Outro ano xa está aquí
Moitos contos te asustarán
E co medo no corpo irás

As cabazas adornarás
Esta noite alumearán
Pesadelos para durmir
Todo isto é Samaín

Isto é Samaín, Isto é Samaín
Unha festa de medo e mortos
Isto é Samaín, é un día de terror
Samaín! Samaín! Samaín! Samaín!

Escoitade con atención
Sen terror non hai emoción
Xunto a ti eu son moi feliz
Asustándote en Samaín

Nesta escola que é meu fogar
Os difuntos vou celebrar
Este é un día moi especial
Todos xuntos imos berrar

Isto é Samaín, Isto é Samaín
Unha festa de medo e mortos
Isto é Samaín, é un día de terror
Samaín! Samaín! Samaín! Samaín!

LA,LA,LA-LA,LA,LA-LA,LA-LA,LA,LA-LA,LA…

CEIP Ana María Diéguez. Samaín 2010.
Letra: Alumnos de 4º, 5º e 6º de Primaria.
Música: Adaptación de Nightmare before Christmas “This is Halloween”

Chega o Outono á Escola

2010-10-19T10:44:00.003+02:00

Comezamos este ano con moito traballo!! Despois dun verán con tanta praia e tanta calor, por fin chegou o momento de abrigarse... Nós xa estamos preparando a celebración do Samaín decorando a escola e traballando sobre todo o que significa esta celebración que intentamos recuperar.Se queredes saber máis cousas sobre o Samaín, aquí deixamos un interesantísimo enlace do C.E.I.P. Víctor Sáenz , no que podedes atopar información, xogos, manualidades, cancións, videos...

Visita á Cidade da Cultura

2010-10-06T11:03:00.004+02:00

Lembrando a Excursión ás Illas Cíes

2010-10-06T10:57:00.003+02:00

Visita a AGRO DESPENSA

2010-06-11T08:57:00.002+02:00

O pasado martes día 8 @s nen@s de E. Infantil e Primeiro ciclo de Primaria tivemos a nosa última excursión deste ano, fomos a AGRO DESPENSA que é unha queixería que esta na aldea de Murgas no concello de Touro. Nino contounos primeiro como era o proceso e logo, cada un de nos elaborou o seu queixo. Tivemos que vestirnos(gorro, mandil e calzas) e seguir as normas de hixiene para manipular alimentos. Descubrimos que entre unha fase e outra tiñamos que esperar un pouco, pero non nos aburrimos porque tiñamos xogos e uns ricos bocadillos de queixo como o que estabamos a facer. Sabedes que para facer un queixo de un quilo fan falta sete de leite?.Tamén decoramos as etiquetas para poñerlle ao queixo. Pola tarde Nino ensinounos a facer chifres cun pau de ameneiro e regalounos un para cada clase. Estamos desexando que pase unha semana e recibir cada un o noso queixo para que o proben na nosa casa.

Coral gaña o concurso de debuxo polo Cambio Climático

2010-06-10T09:05:00.003+02:00

Que sorpresa levou a nosa compañeira Coral cando lle comunicaron que era a gañadora do Concurso de Debuxo sobre o Cambio Climático! Ademáis da satisfacción de ser elixida gañadora, agasallóronlle cun precioso maletín de pinturas e un diploma.Podedes ver nesta imaxe o momento da entrega do premio.

Coñecendo o IES de Rianxo

2010-06-10T09:04:00.006+02:00

Os alumnos e alumnas de 6º teñen un pé aquí e outro no instituto. Xa quedan poucos meses para que se incorporen á ensinanza secundaria,e para irse entrenando un pouquiño, foron facer unha visita ao IES. Acompañáronlles os nenos e nenas do Brea Segade (Taragoña).

Plantación do Pino Manso e paseo polo Río Te

2010-05-31T13:14:00.003+02:00

Aínda non recuperados do xoves, os nenos e nenas de segundo e terceiro ciclo, fomos o venres plantar árbores ao que será unha nova área recreativa: O Pino Manso. Preparamos as ferramentas e o autobús achegounos ao lugar, que está moi preto da escola. Un grupo adicouse a limpar a zona, xa que había moito lixo. Outro grupo, cos buratos a medio facer, moito tiveron que sachar... pero ao final, con máis forza que maña, cada árbore ocupou o seu lugar. Non houbo quen se librase de acarrexar terra dun lado para outro. Agardamos que medren fortes e saudables para que nos dean sombra o día que vaiamos alí merendar.
Cruzámos o polígono industrial ata chagar ao Río Te. Seguindo o seu curso, disfrutamos dun precioso paseo ata chegar novamente á escola.

A plantación de Vilas

2010-05-31T10:09:00.005+02:00

Coma anos anteriores, seguimos co noso proxecto "Voz Natura". O xoves 27 de maio fomos visitar a plantación de Vilas. Alí, recollémos o lixo, rozamos as malas herbas, podamos e sachamos arredor das árbores. Agardamos voltar o próximo curso para seguir mantendo en bo estado a nosa plantación.
Despois de traballar, collemos un merecido descanso e fomos comer ao novo campo de fútbol. Xa recuperadas as forzas adicámonos a practicar todo tipo de deportes: fútbol, corda, salto á burra, golf... Rematamos a xornada cun divertidísimo partido entre alumn@s e profes.

A nosa caixa chegou a New York

2010-05-27T19:02:00.004+02:00

Xa sabedes que os nenos e nenas de Estudo de 4ºfacemos unha actividade de intercambio cunha escola de New York, e vistes imaxes da apertura da caixa que eles nos mandaron. Esta semana, chegoulles o paquete dende Rianxo. Dentro había moitas cousas que describen un pouquiño como é a nosa vida cotiá: material impreso e informativo sobre Rianxo, receitas de cociña, descripcións e debuxos nosos,mapas, unhas cunchas de vieira, fotografías do noso centro, un trompo, chupa chups,unha baralla de cartas, cds, dvds, etc... Dixéronnos que lles gustou moito o contido da nosa caixa e estamos agardando impacientes unhas fotos do momento de apertura. O mércores comunicámonos con eles por videoconferencia!!! Preguntámoslle moitas cousas en inglés e tamén respostamos ás preguntas que eles nos fixeron. Foi unha experiencia moi bonita!! Rematamos todos cantando a canción de "Bob Esponja", nós en castelán e eles en inglés.

O festival das Letras Galegas en imaxes

2010-05-27T18:52:00.005+02:00

Como aínda non podemos disfrutar dos videos, poñemos unhas pouquiñas imaxes para lembrar como foron as marabillosas actuacións dos rapaces e rapaces da nosa escola.

A Historia da Lingua

2010-05-25T11:00:00.001+02:00

As nenas e os nenos de 4º, 5º e 6º fixeron este video da Historia da Lingua para proxectalo no Festival das Letras Galegas.

Ao Son do Galego

2010-05-24T10:27:00.002+02:00

Aínda que non puidemos este ano asistir ao Correlingua, queremos deixar constancia do noso compromiso coa lingua, sobre todo despois de toda unha semana adicada ás Letras Galegas. Aquí tedes unha foto coas pancartas que confeccionamos este ano, ademáis das de anos anteriores.

2010-05-03T11:00:00.004+02:00

O venres tocoulle o turno aos maiores do cole. 2º e 3º ciclo tamén fomos ao Parque Natural de Corrubedo. Logo de visitar a duna, dirixímonos á fábrica de conservas Escuris Batalla. Alí vimos todo o proceso de elaboración de diferentes producto. Ao final da visita obsequiáronnos cunha riquísima degustación. Por último, fomos ver o Castro de Baroña, no Concello de Porto do Son. Aínda que o tempo non acompañou, disfrutamos moito desta saída.

Excursión a Corrubedo

2010-04-30T10:22:00.003+02:00

Educación Infantil e 1º ciclo de primaria fomos onte de excursión ao Parque Natural de Corrubedo. Aprendemos moito sobre este espacio protexido e tamén visitamos as dunas. Manolo, que foi quen nos guiou no paseo, insistiu moito na riqueza da flora e da fauna do lugar, así que prestamos especial interese en non danar ningunha especie. Andamos moito e vimos preciosas paisaxes, sobre todo dende o mirador: a praia, a duna, as lagoas... Xa estabamos famentos cando o autobús nos levou ao Parque de San Roque, onde comemos. Despois,puidemos xogar e ata visitamos a recreación dun antigo asentamento. Foi moi divertido!

O CAMBIO CLIMÁTICO

2010-04-28T10:15:00.003+02:00

Onte recibimos no colexio unha charla sobre o cambio climático. "Cambiar o Cambio" é o nome desta campaña que ten como obxectivo informar aos profesionais do sector agroforestal galego, á poboación escolar e á sociedade en xeral sobre a problemática deste fenómeno.

2010-04-26T12:15:00.002+02:00

Os patrocinadores da excursión que fixemos a Vigo, tiveron a xentileza de enviarnos un video no que podedes ver perfectamente o ben que o pasamos no tren, en Naturnova e no zoo.

A semana do libro

2010-04-26T11:01:00.002+02:00

Achégate por LIBROS A MOREAS se queres ver o bonita que foi a nosa semana do libro. Moitas grazas a todas e todas por participar!!

Blog de inglés en Vilardevós

2010-04-13T11:24:00.002+02:00

Hoxe presentámosvos un blog fantástico: Vilardevós English Blog. E aínda vos gustará máis se vos digo que é da profe Natalia. Agora está nun colexio en Vilardevós (Ourense). Se queredes ver o que está facendo este ano, non dubidedes en entrar, e deixádelle as vosas opinións, que seguro se pon moi contenta.

Exchange of cultural boxes. Intercambio de caixas culturais

2010-04-09T10:04:00.003+02:00

Os nenos e nenas 4º, estamos a facer unha actividade de intercambio cun centro de New York. Esta escola chámase "United Nations International School" . Xa hai uns meses que comezamos este traballo , pero estabamos agardando a chegada do material da súa caixa. As caixas culturais conteñen obxectos, materiais impresos, mapas, fotografías, material audiovisual, etc... que nos axudan a aproximarnos a outras culturas e coñecelas un pouco máis. Onte recibimos a nosa primeira caixa procedente de New York. Puxémonos contentísimos!! Fotografías da cidade, mapas, receitas, un xogo sobre New York, un libro feito polos rapaces onde nos contan como é o seu día a día, cds...
Agora tócanos a nós. Xa temos algúns obxectos metidos na nosa caixa pero aínda falta traballar un pouquiño máis porque queremos que eles queden tan abraiados como quedamos nós.

VIAXE EN TREN

2010-04-08T10:38:00.006+02:00

Este terceiro trimestre comezámolo con moitas ganas e madrugando moito... o martes, día 7 de Abril, os nenos e nenas de segundo e terceiro ciclo collemos o autobús para dirixirnos a Vilagarcía. Alí agardamos ata que chegou o tren que nos levaría a Vigo. Unha vez alí, leváronos ata Naturnova, que é un centro interactivo no que puidemos ver o Sistema Solar en movemento, escoitar unha treboada, disfrutar da realidade virtual para sobrevoar Galicia ou viaxar ao fondo da ría nun simulador dun submarino!!. Despois desta visita tan interesante, fomos á Madroa para comer. Visitamos o zoo na hora da siesta, así que moitos dos animais estaban a durmir placidamente...

Prometemos colgar axiña unha selección dos mellores momentos desta excursión.

DE EXCURSIÓN POR RIANXO. Aula Activa, Museo do Mar e Teatro.

2010-03-26T10:09:00.006+01:00

Onte pola mañá fixemos unha saída a Rianxo. Os nenos e as nenas de Educación Infantil e primeiro ciclo, visitaron o Museo do Mar. Mentras, os maiores, escoitaron atentamente e aprenderon moito sobre os ecosistemas mariños na Aula Activa.
Despois achegámonos ao auditorio para ver unha obra de Factoría Teatro, Señor Mundo, Dígame?,un recital poético que parte duns poemas de Paula Carballeira e que nos fala do Señor Mundo (ou a Señora Terra), e as doenzas que está a padecer. Podedes deixarlle comentarios sobre o que vos pareceu o espectáculo no seu blog.
Aproveitamos tamén para desexarvos a todos que o pasedes moi ben nesta semaniña de descanso.

Señor Mundo Digame? from A Artística on Vimeo.

Coa chegada da primavera...COMEZAN OS TRABALLOS NA HORTA!!!

2010-03-22T12:47:00.003+01:00

Este inverno tan chuvioso case non nos permitiu disfrutar do noso patio exterior, pero agora, coa chegada da primavera e a mellora do tempo destes días, a cousa cambiou. Ademáis dos paseos e as construcións de cabanas baixo as árbores, comezamos o noso traballo na horta. A terra xa está preparadísima, e algúns cursos xa comezaron a súa tarefa. Chícharos, fabas, repolos, acelgas, fresas, tomates, brécol, coles, pementos, coliflor, leituga, calabacín, pepino e kiwis serán os produtos que recolleremos despois do noso traballo. Agardamos ter unha grande recompensa coa nosa colleita
Seguirémosvos informando da evolución da nosa horta!!

MULLERES NO TEMPO, MULLERES NA HISTORIA

2010-03-22T11:12:00.006+01:00

O día 8 de Marzo celebrouse o día da muller traballadora, e por este motivo, temos estes días na nosa escola unha exposición sobre mulleres. É un calendario no que se visibilizan a algunhas mulleres que deixaron a súa pegada ao longo dos tempos, facendo fincapé naquelas máis próximas a nós: as mulleres galegas. Maruxa Mallo, María Barbeito, María Miramontes, María Balteira, Chus Lago, María Castaña, entre outras, son mulleres que destacaron en diferentes eidos da nosa cultura.
Invitámosvos a todos, nenos, nenas, pais, nais e a quen queira achegarse, a vir ao cole para coñecer máis sobre esta bonita exposición.

A SEMANA DA PRENSA

2010-03-12T10:20:00.004+01:00

O que non faltou esta semana no noso cole, foron os xornais. Tivémolos moitos e variados: autonómicos, nacionais, estranxeiros,especializados en deportes... para que non se diga que os nenos e as nenas de Asados estamos mal informados! A nós tamén nos interesan as cousas da actualidade!

Sabedes que tamén podedes consultar a prensa en Internet? Aquí temos algúns enlaces:
La Voz de Galicia.(Arousa)
El País
Marca
The Times
Le Monde

2010-03-08T21:53:00.000+01:00

Atención!
Nova de última hora
Acaban de informarnos de que o novo blogue de quinto xa está dispoñible. Para entrar só tedes que pinchar na imaxe que acompaña ao nome do blogue na marxe dereita.
Ánimo e... a bloguearrr!

Fin de semana de concertos

2010-03-04T13:14:00.000+01:00

Esta fin de semana terán lugar no Auditorio de Rianxo dous concertos moi interesantes.

O sábado 6 de marzo: Concerto Didáctico de Xavier Blanco ás 19:30. Organiza a Asociación Vai de Roda

O domingo 7 de marzo: A Escola de Música de Rianxo organiza o primeiro dos concertos do Ciclo de Música de Cámara 2010, ás 19:30, no Auditorio de Rianxo. Nesta ocasión haberá oportunidade de escoitar a DKD Dúo, formado por Iago Hermo (Piano) e Antón Alcalde (Percusións).

Se queredes aprender máis cousas relacion

adas con estes dous concertos, pasade polo blog da aula de música.

O Entroido

2010-02-17T21:10:00.000+01:00

Este ano,o Entroido chegou a Asados todo cheo de cores. Había príncipes e princesas que parecían sacados dun conto da Idade Media, uns marchosos mexicanos que nos animaron moito o noso desfile cantando as súas rancheritas, uns coches ben bonitos que encheron de tráfico os camiños de Asados, nunca se viran tal cousa os que se achegaron a vernos!, pareciamos estar nun circuito de Fórmula 1!!, e uns ovos fritidos que estaban tan guapos que daba ganas de comelos!! O que si comimos, foron os doces que fixestes nas casas, estaban riquíííííssiiiiimooossss!!!! E o que nunca cambia, é o MECO, tan malo coma sempre, ao final ninguén se atreveu a perdoalo e foi queimado na fogueira. Teremos que agardar o ano próximo para ver como se porta.

VELLOS!!!

2010-02-11T22:00:00.000+01:00

Hoxe o Meco manda...

2010-02-11T10:55:00.000+01:00

Aínda que sodes nenos,
hoxe vestiredes de VELLOS

Preparados para nadar!!!

2010-02-10T19:38:00.000+01:00

2010-02-10T10:18:00.000+01:00

Hoxe o MECO mándanos vir..

PREPARADOS PARA NADAR
NA PISCINA OU NO MAR

Preparados para cociñar!!

2010-02-09T20:34:00.000+01:00

<
div>

2010-02-09T10:46:00.000+01:00

Xa estamos no Entroido e o Meco é un pouco presumido. Ten o cabelo loiro, un sombreiro ben bonito, como eses de festa, cunha flor pendurada dun lado. Pero non vos enganedes,detrás de esta apariencia de ser inofensivo agáchase o entroidiño de tódolos anos,e como non, ven ordenando. Hoxe, ocorréuselle...

POLA TARDE TODOS A COCIÑAR
CON GUANTES E DELANTAL

A PAZ

2010-02-09T10:42:00.000+01:00

Bailemos, bailemos
bailemos un vals
dar voltas e voltas
seguindo o compás

Os nenos de Asados
queremos bailar
pedíndolle ao mundo
un pouquiño de paz

A Chuvia.

2010-02-06T20:44:00.001+01:00

BLOG DE INFANTIL

2010-02-02T13:21:00.000+01:00

OS NENOS DE INFANTIL XA TEMOS BLOG!!

WWW.LAGARTOSOSOL.BLOGSPOT.COM

VISITÁDENOS!!

XA PODEDES VER AS ACTUACIÓNS DO FESTIVAL DE NADAL!!!

2010-01-31T21:29:00.000+01:00

...Pero para iso, teredes que visitar o novo blog da aula de música. Ide ao lateral dereito do blog e buscade asa2música

As 7 marabillas do mundo e de Rianxo

2010-01-28T13:13:00.000+01:00

Os nenos e nenas de cuarto curso estamos aprendendendo moitas cousas sobre as 7 marabillas do mundo. Das marabillas do mundo antigo só se conserva unha: As Pirámides de Exipto.Se queredes coñecelas facede click aquí.

AS MARABILLAS DO MUNDO ANTIGO

As marabillas do mundo moderno elexíronse por votación nun concurso que se realizou en Lisboa no ano 2007. Se queredes saber cales foron as gañadoras, facede click en cada unha delas.

AS MARABILLAS DO MUNDO MODERNO
Chichén Itzá, Coliseo Romano, Cristo Redentor, Gran Muralla China, Machu Picchu, Petra, Taj Mahal

Agora, nós queremos elixir AS 7 MARABILLAS DE RIANXO, e para iso precisamos a vosa axuda. Deixámosvos unha lista de candidatas. Votade na enquisa que está na dereita do blog.
ESTAMOS DESEXANDO SABER CALES SON AS ELIXIDAS!!!!!!
podedes votar a máis de unha candidata.

O magosto

2010-01-27T11:20:00.000+01:00

SAMAÍN 2009

2010-01-26T11:51:00.000+01:00

2010-01-20T16:45:00.000+01:00

OS NENOS DA CLASE DE 3 ANOS MANDÁMOSVOS UN SAÚDO!!!

PAULA MANUEL LORENA DANIELA PABLO LIA IRENE ZAIRE CELIA E TELMO.

BENVIDOS!!!

2010-01-13T20:07:00.002+01:00

A partir de agora, este será un espazo onde alumnos, alumnas ,mestres e mestras, poidamos compartir as nosas experiencias diarias no noso colexio. Será un pequeno buratiño na porta polo que intentaremos mostrarvos esas cousas que dende a casa non podedes ver e seguro vos gustaría. Ademáis, este lugar, aberto para todos, servirá para comunicarnos a través dos comentarios e estar maior informados do que acontece no centro.

Sen máis, queremos mostrar algúns dos momentos máis especiais do curso 2008-2009, e proximamente traballaremos para actualizar as actividades deste curso.